Claveria, Misamis Oriental – Boluntaryong mitahan sa Claveria Municipal Police Station ang suspek sa pagpugot ug liog sa usa ka lalaki didto sa lungsod sa Claveria, Mis. Or. niadtong nakalabayng Hulyo 5 ning tuiga.
Suspek mao si Jundel Humaynon 19-anyos nga taga-Barangay Malagana, Claveria, Misamis Oriental samtang biktima mao si Lonely Anduhan.
Subay sa report sa kapulisan nga gisaysay sa suspek nga si Jundel ang krimen nga nabuhat diin nagkalalis sila sa biktima samtang nag-inum nga miresulta sa dugoong insidente. Giingong gitigbas sa akusado ang biktima, giputlan sa ulo ug gilubong duol sa Cabulig River.
Nunot niini, daling gidalikyatan sa kapulisan ang lugar ug didto gikalot ang patay’ng lawas ni Lonely nga putol ang ulo ug dunay lima pa ka mga samad dinunggaban ug tinigbasan sa làwas.
Sa pagkakaron nagtingkagol na sa bilanggoan ang suspek og direktang gilubong sa iyang kabanay sa sementeryo ang patay’ng lawas sa biktima nga anaa na sa state of decomposition.
News and photo by Radyo Ronda CDO News Team