El Departamento de Orbras Publicas y Carreteras o DPWH ya completa con el estructura de mitigacion de avenida na rio del Siocon por medio de fuente de Mendiola na Siocon, Zamboanga del Norte.
Asegun con el oficina regional del DPWH, el proyecto, que tiene el valor de P45 millon, tiene el objetivo proteje vida y propiedad.
Asegun con el DPWH, el fondo para el construccion del proyecto estaba na Ley General de Asignaciones del año 2023 o General Appropriations Act 2023.
Asegun con el DPWH, el proyecto tiene el lapso de 330 metros lineal.
El nuevo completao estructura ta dale sentido de seguridad con el mga residentes, ta asegura el de ila seguridad y ta proteje con el de ila propiedad desde’l potencial destroso na avenida.
Con el proyecto ya hace el oficina del aka-cuatro distrito de enginieria del DPWH na provincia del Zamboanga del Norte. (B. Garcia)