El total de 910 beneficiarios del programa de Tulong Panghanapbuhay sa Ating Disadvantaged/Displaced Workers (TUPAD) ya esta bajo’l orientacion del Miercoles, en prepracion para el de ila de pronto despelgada.
Asegun con el Departamento de Trabajo y Empleyo o DOLE, el orientacion ya hace na dos lugar.
El primero na Barangay Pasonanca con 502 beneficiarios y el Segundo na Ayala con408 beneficiarios el ya atende.
Asegun con el DOLE, el mga beneficiarios, quien desde diferente barrio na ciudad, hay trabaja por 10 dias con el salario de P381 o total de P3,810 pare el entero periodo.
El programa de TUPAD, es un iniciativo comunidad, con el objetivo dale empleyo con mga desplazao trabajantes, subempleado, y temporario empleado.
El programa ta asegura el minimo empleo de 10 dias pero hinde exede na maximo de 30 dias, depende na naturalesa del trabajo. (B. Garcia)