El Departamento de Obras Publicas y Carreteras o DPWH ya completa el construccion del P40 millon proyecto de camino derivacion na provincia del Zamboanga Sibugay.
Asegun con el DPWH del Sabado, con el proyecto ya implementa na Barangay Guilawa, Malangas, Zamboanga Sibugay.
Asegun con el DPWH, el proyecto tiene el caracteristica de dos carriles de concreto camino con el largor de 2.123 kilometros.
Ya instola tamen barandilla metal y termoplástico reflectorizado marka na cemento para asegura el proteccion del mga motorista.
Asegun con el DPWH, total de 1,691 residentes el ya beneficia con el proyecto por medio de buen acceso para na Mercado, escuela, y hospital.
El proyecto hay mejora tamen con el crecimiento del socio-economico del provincia de Zamboanga Sibugay.
Asegun con el DPWH, este desarollo ya abre mga oportunidad para actvidades economico, como agricultura, turismo, y comerciio. (B. Garcia)