El Departamento de Obras Publicas y Carreteras o “DPWH” ya completa con el cementada del P15 millon camino de acceso que ta suporta ya ahora con el comunidad de mga siembrador na municipio del Sergio Osmeña, Zamboanga del Norte.
Asegun con el Cayamombao Dia, el Director Regional del DPWH, el proyecto envuelto el contruccion del 473.4 metros lineal del camino de cemento para ayuda con el mga siembrador de mais y coco transporta de fronto y eficiente de ila cosecha.
“El mejorao condicion del camino hay reduce el hora de viaje entre el mga barrios del Biayon, Wilben, y San Jose, permitiendo con el mga siembradores local na lugar para concentra mucho na mga actividades agricultural y gasta menos pago y hora conmuntando,” si Dia ya habla.
Asegun con Dia, con el proyecto ya implementa bajo el supervision del oficina de enginieria na primer distrito del DPWH na Zamboanga del Norte.
Si Dia ya habla, con el proyecto de camino acceso ya implementa bajo el programa de “Roads Leveraging Linkages for Industry and Trade (ROLL-IT)” en convergencia con el Departamento de Comercio y Industria o el DTI. (B. Garcia)
