Ubay-ubay na usab nga mga timbangan sa Carbon Public Market ang gipangsakmit tungod kay adunay nakita na problema o depektoso.
Ang Office of the City Market maoy nihimo sa maong pagpangsakmit atol sa kinalit nga pagsusi o ang gitawag nga “Operation Timbangan”, sa may mga dalan sa F. Gonzales ug Lincoln sa Carbon Public Market sa nakalabay na gabii.
Sa kinatibuk-an niabot ngadto sa 14 ka mga depektosong mga timbangan ang gipang-imbargo atol sa operasyon.
Sa way hunong na “Operation Timbangan” niabot na sa 41 ka mga timbangan ang nasakmit sukad niadtong Marso 19, 2024 handtod Marso 21, 2024.
Gipangunay ni Market Administrator Robert Barquilla ang pagpanguna sa mga timbangan na adunay deperensiya kauban ang mga sakop sa Task Force Market nga gipangulohan ni Jimmy Fortes.
Tumong ug tuyo sa maong “Operation Timgbangan” nga masiguro ug mapanalipdan ang mga mamalitay batok sa mapahimuslanon nga mga mamaligya-ay sa kamerkadohan sa dakbayan sa Sugbo.
Dugang ni Barquilla nga magpahigayon usab sila og samang operasyon sa ubang pampublikong mga merkado sa siyudad sa Sugbo. (Renante Socia Lada)