Gipasabot ni Mr. Ruel D. Tabada, General Manager sa Dipolog City Water District nga gamay lamang ang components sa water project ingun man sa bisan establishments pwde na mubayad sa water bill diin lakip kini sa innovation sa overall water project ug kini palapdan pinaagi ni Mr. Marlu A. Caermare sa pagpasabot kung unsaon ang downloading sa mobile application aron maka-access sa account details, latest payable, consumption information, meter number information, engun man reading information dungan sa pagsaulog sa World Water Day.Ph karong adlawa, Marso 22 ning tuiga.
Dugang pa ni Tabada ang application usa ka parte sa water flow project ug nagapadayon gihapon ang pagpalambo ug tinguha sa General Manager nga maka-una sa tibuok Pilipinas ang Dipolog City Water District. Gilakbitan usab ang unang intensyon sa pagkomunikar sa mga costumers ilabi na sa panahon sa due-date sa tingbayad sa konsumante.
Nagpasalamat ug dako si GM Tabada ngadto sa Kagamhanang Lokal sa suporta sa mga proyekto sa DIPCWD ilabi na sa on-going nga drainage production well sa may Lugdungan Dipolog City nga anaa sa 90 % nga hapit na mahuman diin kini dakong tabang ilabi na sa mga konsumante nga maka supply ug tubig.
Tumong ug tinguha sa tagdumala nga mapadali ang transaksyon nga makamonitor ang tanang mga konsumante sa mga water billings diin nagmalampuson ang gipahigayong World Water Day.Ph 2024 dungan usab sa Launching sa Dipolog City Water District Customers’ Water Application o mas nailang (BETA VERSION) ug Facility Tour diin gipaningkamutan ni Tabada nga dunay laing facities, gawas sa patubig sama sa gihimong Bamboo Forest and PARK diha sa may Purok Nangka, Brgy Gulayon ning dakbayan nga pwding masuroyan gumikan ang tubig konektar sa kawayan og kini mapalambo pa ug makabenipisyo ang mga katawhan nga free pa diin sa karon wala pa gayod pagabayran sa entrance.
Sa katapusan ang tour facility nahimong nagmalampuson uban sa mga personahe sa DIPCWD sa pagpanguna sa GM lakip na ang laing local water district engun man sa partisipasyon sa mga media partners ning dakbayan. (Angelica T. Obina)
