Sinco oficiales de barangay el examinao positivo ta usa droga ilegal durante el reciente conducida del serie de random examinacion que ya ordena el Alcalde John Dalipe.
El Oficina de Salud del Ciuad nohay identifica con el sinco oficiales quien positivo ta usa droga ilegal puera lang de habla’r dos de ila mga kagawad, dos tanod, y uno secretaria de barangay.
Asegun con el Oficina del Salud del Ciudad, canila hay pone bajo’l segundo examinacion confirmatoria para asegura si deberansan o hinde sila positivo ta usa droga ilegal.
Si Dalipe ya ordena el conducida del random examinacion para asegura cay nohay ni uno del mga oficiales del barangay envuelto na uso de droga ilegal.
El random examinacion ya conduci del otoro semana el mga personajes del Oficina de Salud, Philippine Drug Enforcement Agency, y Consejo de lucha contra el abuso de drogas de Barangay. (B. Garcia)