El Departamento de Obras Publicas y Carreteras o DPWH exitosamente ya implementa proyecto de un nuevo camino de acceso na Barangay Dalangin, Titay, Zamboanga Sibugay, asegun con el oficina regional de DPWH del Jueves.
Asegun con el DPWH, el alocacion de P90 millones para el implementacion del proyecto estaba na Ley General de Asignaciones del 2023 o General Appropriations Act of 2023.
El proyecto amo el cementada del total de 2.5 kilometros de carril de camino acceso na Barangay Dalangin, Titay.
Asegun con el DPWH, el completada del proyecto esperansao reduce el hora de viaje dentro de 15 para 20 minutos, ofrecimiento un segurao ruta de tranportacion con el estimao populacion de 2,734 residentes.
El completada del proyecto ya mejora tamen el acceso del mga agricultores desde mga lejanos barrios para na camino nacional impulsando conectividad y proporciona mejor acceso para transporta mercancias para na mercado publico.
Asegun con el DPWH, el primaria beneficiarios del desarollo ya inclui mga local agricultores de goma y arroz, con el camino prometido subi el crecimiento de socio-economico na lugar.
Con el proyecto ya implementa del oficina del Segundo distrito de ingeniria del DPWH na Zamboanga Sibugay. (B. Garcia)