El estacion de bombero na municipio de Mahayag, Zamboanga del Sur, ya conduci un actividad de Fire Square Road Show na un escuela de elementaria en aquel municipio.
Asegun con el jefe del bombero na municipio del Mahayag, si Senior Fire Officer 4 (SFO4) Luciano Ocliaso, Jr., el actividad ya conduci del Jueves aga na Mahayag Central School.
Asegun con Ocliaso, durante el actividad ya distribui sila folletos de seguridad contra incendios y ya instola y ejerciso de salida na casa o Exit Drill in the Home (EDITH).
Asegun con Ocliaso, proposito del actividad amo para esta mentalmente consciente aserca de seguridad contra incendios, prevencion, y preparacion para desastre.
Si Ocliaso ya habla, ya presenta tamen sila durante el actividad el diferente uniformes de bombero, herramienta de extinccion de incendios, equipo y ya demostra si quemodo bisti equipo de proteccion personal y el funciones.
Mientras tanto, el mga personajes del estacion de bombero de Mahayag ya asisti na programa de alimentacion del Miercoles na Upper Salug Daku Elementary School.
El programa de alimentacion ya conduci el mga oficiales del Barangay Upper Salug Daku, Mahayag, Zamboanga del Sur. (B. Garcia) (Photo Courtesy of Mahayag Fire Station)