El Departamento de Obras Publicas y Carreteras, o DPWH, ya inicia el construccion y mantenimiento de estructura de mitigacion de inundacion y sistema de desague na Rio de Layawan na Zamboanga del Norte para solve con el recurriendo problema de inundacion. El DPWH-Zamboanga Peninsula ya habla el proyecto locao na muncipio del Sergio Osmeña, Zamboanga del Norte.
Asegun con el DPWH-Zamboanga Peninsula, el 125-metro proyecto tiene el alocacion de P21 millon fundo bajo el Ley de Asignaciones Generales de 2024. Asegun con DPWH, el Rio de Layawan, que ta atraversa con el minicipio de Sergio Osmeña, identificao como un critical lugar propensa de inundaciones.
“Este ta representa un amenazo persistente na mga vidas y busca lavidas del mga residentes ta queda na canto’y rio, particularmente na seccion de Batotiltil,” el DPWH-Zamboanga Peninsula ya habla na un anuncio. “Mitigando con el constante amenazo de inundacion, el proyecto hay mejora el resiliencia del comunidad, infraestructura y estabilidad economico contribuiendo con el en general crecimiento del lugar,” el DPWH ya omenta.
Con el proyecto ya implementa el Primera Oficina de Inginieros del Distrito del DPWH Zamboanga del Norte. (B. Garcia)