Mga personajes del Police Station 7 ya arresta tres personas y confisca dos punto dos milyones de pesos balor de smuggled cigarettes ayer tarde na Barangay San Roque, este ciudad.
Asegun con Major Alvin Lepiten, hefe del Police Station 7 con el maga arestao personas ya conose como canda Ibrahin Albani Irilis, trenta’y dos anios; Sabturan Hadjala Malam, cuarenta anios; y Jibral Abjal Esad, veinte nueve anios.
Asegun con Lepiten cay su personajes hunto con maga operativas del 904th Mobile Force Company bajo mando del Regional Mobile Force Battalion-9 ta conduci checkpoint maga alas dos del tarde na San Roque cuando ya ase sila para un vehiculo ta maneja si Irilis hunto con el dos otro arestao personas.
Na un inspeccion, maga pulis ya descubri cay el vehiculo ta maneja si Irilis ta carga diferentes clase de cigarillo con el balor del dos punto dos milyones de pesos sin el propio documento.
Con el vehiculo, carga, and maga arestao personas ya ponde bajo el poder del Police Station 7 y esperansao entraga na Buro de Aduana. (Regino Delos Santos)
