Mga pulis ya aresta dos personas na campanya contra droga ilegal ayer na un motel alli na Barangay Tumaga, este ciudad.
Si Tiniente Royland Cordero, del Police Station 11 kien ya encabesa con el buy-bust operation, ya nombra con el arestao suspechao como Abdel Albani Jupuri, veinte sinco anios el edad y residente de Barangay Rio Hondo. Y si Almadmunid Jul Danial, residente del Baliwasan.
Asegun con Cordero cay ya puede sila confisca na posesyon del dos suspechao ocho pakete de alegao shabu que tiene el cantidad de treynta’ cuatro mil de pesos.
Con el dos suspechao ya detene pendiente al plantada del asunto contra canila por violasyon de Comprehensive Dangerous Drugs Act of 2002. (April Boy Regino)