El Departamento de Trabajo y Empleyo (DOLE) ya distribuji P1.5 milyones valor de ayuda de busca vida con mga dueño de tienda na diferente barrio na primer distrito del ciudad de Zamboanga.
Asegun con el director rehyonal del DOLE Albert Gutib cay tiene el total de 50 dueño de tienda el ya recivi ayuda que ya distribuji del Lunes.
El distribucion del ayuda ya ase el DOLE hunto con el alcalde John Dalipe y Congresista Khymer Olaso del primer distrito.
Asegun con Gutib cay cada uno del 50 beneficiaryos ya recivi mga productos que ta incluwi aroz, huwebos, comida enlatao, equipo y otros pa que tiene el total valor de P30,000.
Asegun con Gutib cay el dalida de ayuda es parte del programa del DOLE para ayuda con mga pobre, vulnerable, y otro qualificao beneficiaryo para tene omento y alternativo empleo.
El distribucion del ayuda ya facilita el oficina del DOLE del ciudad de Zamboanga con el coordinacion del Departamento de Turismo, Departamento de Negocio y Industriya, Technical Education and Skills Development Authority, y Regional Tripartite Wages and Productivity Board, hunto con el BugetWise y People’s Microfinance Cooperative. (B. Garcia, photo courtesy of DOLE-9)