El Departamento de Medio Ambiente y Recursos Naturales, o DENR, ya pone con un juvenil Brahminy Kite bajo el cuidada del Regional Wildlife Rescue Center na Baclay, Tukuran, Zamboanga el Sur.
Asegun con el DENR del Lunes, con el juvenil Brahminy Kite ya entrega del otro semana na Oficina Comunitaria de Medio Ambiente y Recursos Naturales, o CENRO, del Ramon Magsasay, Zamboanga del Sur, por medio del Wildlife Resources Unit.
Asegun con el DENR, con el raptor ya coge serca na un corte cubierta na Barangay Bambong Diut, Ramon Magsaysay y despues ya entrega na CENRO del mencionao municipio para el propio examinacion.
Ta cre el mga oficiales de DENR, el juvenil Brahminy Kite ya escapa desde su cuidador siendo tiene pa este amaro de alambre na derecha alas.
El juvenil Brahminy Kite tiene el pesades de 900 gramos, y confirmao cay joven pa y na buen salud.
El juvenil Brahminy Kite hay esta bajo el cuidada del Regional Wildlife Rescue Center hasta llega el tiempo puede ya conele larga na su habitat natural. (B. Garcia)