Oficialmente, ya lanza el Departamento de Medio Ambiente y Recursos Naturales (DENR), por medio de Environmental Management Bureau Region IX, el DENR Express Permitting on Wheels (POW) na City Mall Tetuan, Zamboanga City.
Na primer dia de programa, total de cincuenta y seis (56) representacion del cliente que setenta y nueve (79) establecimiento, que beneficia na mas pronto y mas conveniente proceso para garantiza permiso de ambiental.
Ambos maga aplicacion, ya recibi amo el Certificates of Non-Coverage, Wastewater Discharge Permits, Environmental Compliance Certificates, Permits to Operate, Hazardous Waste Generator IDs, y Pollution Control Officer accreditations.
El apertura del programa, ya atende el oficiales del govierno local de Zamboanga, y tambien el representantes estaba na DENR y EMB Region IX.
Na sesion de informacion, cubrido el online permitting system, hazardous waste management, chemical management, pollution control services, and other environmental programs.
Ya conduci tambien un exhibit, que ta ofrece varios iniciativa de ambiental y servicios estaba na agencias socio y privado sector, para fortalece el consciente na proteccion ambiental y cumpli el regulacion ambiental.
El DENR Express Permitting on Wheels, es parte na EMB Region IX’s na objeto para proporciona mas eficiente, accesible, y client-centered services para na publico. (Keith Luna)