El Commission on Elections (Comelec) ta conduci registracion de votantes na SM City Mindpro haciendo facil con el mga residentes para registra y participa na otro año eleccion.
Asegun con el Comelec, aquellos mga elegible votantes puede anda na lugar de registracion de votantes na Nivel 4 del SM City Mindpro para registra para el venedero eleccion.
Asegun con el Comelec, el lugar de registracion hay abre desde alas 10 del aga hasta alas 5 del tarde, permitiendo para completa de ila registracion durante el tiempo que ta man compre sila o ta come medio dia.
El schedule del registracion amo desde Septiembre 2 hasta Septiembre 7 para con el mga elegible votantes de primer distrito y Septiembre 9 hasta Septiembre 14 para con el mga elegible votantes de segundo distrito.
Aquellos quien puede registra amo mga individual 18 años ya al llega’r el tiempo de eleccion, residente del un ciudad por un año y residente por seis meses na lugar onde ta preferi sila vota.
El Comelec ta ase acorda con el by elegible votantes para lleva de ila valido tarjeta de indentificacion y cualquier necesario documentos para completa de ila registracion. (B. Garcia)