Si Major General Ignatius Patrimonio, el comandante del 11th Infantry Division (ID) y Joint Task Force (JTF) Orion, ya expresa su profundo gratitud con el Civil-Military Operations Regiment (CMOR) por el de ila suporta y contibucion na buen resulta del campaña de paz y seguridad del su mando.
Ya expresa si Patrimonio su profundo gratitud durante el visitada de Brigadier General Bejamin Hao, el comandante del regimiento del CMOR, na quartel del 11ID na Campo Teodulfo Bautista del Viernes.
Asegun con Patrimonio, grande el ayuda y contribucion del CMOR na acomplisimiento del mision del su mando na provincia de Sulu.
Si Hao ya habla cay el CMOR comprometido para servi como profesional, capaz y receptivo suporta de combate del Philippine Army.
Si Patrimonio ya recivi con Hao con una calurosa bienvenido na Campo Bautista.
Mientras tanto, ya extende si Hao su gratitud por el calurosa bienvenido que ya extende conele durante su visitada por medio de honores militar el mga oficiales y personajes del 11ID.
(B. Garcia, photo courtesy of 11ID)
