El celebracion del “Urban Poor Solidarity Week 2023” aqui na ciudad ya principia por media del diferente libre service durante el mision medical que ya organiza el govierno local del Sabado.
El Alcalde John Dalipe ya atende con el “outreach program” que ya hace na Zamboanga East Central School que ya beneficia mga miembros del sector probre urbano y de otro sector del ciudad.
El mision medical ya inclui el conducida de libre consulta medical, aranca diente, checkiada de ohos con libre antipara, libre masaje, manicure y pedicure, y libre cortada de pelo.
Ya tene tamen demonstracion de agricultura, libre registro civil, donacion de sangre, y libre arroz caldo y otros pa.
El celebracion del Urban Poor Solidarity Week desde Deciembre 2 hasta 8 ta encabesa el City Housing and Land Management Division bajo del Oficina del Alcade del Ciudad.
El celebracion ay culmina por medio de un convencion de lideres que ay participa mga lideres de comunidad nga mga dialogo y cambio de ideya para el desafios que ta enfrenta el sector pobre urbano. (B. Garcia, photo courtesy of Housing Land Management Division)