31.1 C
Manila
Wednesday, February 21, 2024

Zamboanga: 3 arestao na campaña contra droga ilegal

- Advertisement -

Tres personas el ya aresta mga autoridad na un campaña contra droga ilegal na costa este del ciudad, asegun con el policia local.

El policia local ya habla cay con el mga arestao suspechao ya puede conose como canda Jefferson Montebon, 41 años el edad; Jelmar Montebon, 40; y si Gregmar Ramillano, 37.

Asegun con el policia local, con el tres suspechao ya aresta na un “buy-bust operation” mga alas 6:56 del Viernes denoche na Sitio Sabanita, Barangay Manicahan, na costa este del ciudad.

El policia ya habla, ya puede recubri na posesion del mga suspechao un gramo de suspechao shabu que tiene el valor de P6,800 y P200 markao sen.

Con el mga arestao suspechao ya detene na Zamboanga City Police Station 3 en preparacion na plantada del formal asunto contra canila por violacion del Comprehensive Dangerous Drugs Act of 2002. (B. Garcia)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -