Desde Hulyo 7, 2022 el govierno local por medio del Oficina de Salud del Ciudad ya pwede administra total de 1,526,913 bakuna contra COVID-19 prinsipya ya conduci el maga vaccination roll out.
Total de 96 porciento o 685, 114 indibidwal adrento del target population de 716, 960 el ya pwede ya recivi el diila maga first dose y 94 porciento o 674,603 tambien el ya pwede recivi el diila second jab y considerao ya como fully vaccinated.
Mientrastanto, 157,353 del total fully vaccinated el ya recivi ya con el diila first booster dose y 3,843 immunocompromised y aquelyos entraw na A1 y A2 priority group el ya recivi tambien el diila 2nd booster dose.
El gobyerno local de Zamboanga ta continua hace subi el maga bakuna cay este amo el stratehiya para privini keda afectao na COVID-19. (Cristine Falcasantos, photo courtesy of City Government of Zamboanga Facebook page)