El ciudad de Zamboanga ya gana como el campeon del Zamboanga Peninsula Regional Athletic Association (ZPRAA) Meet 2025 que ya conclui del Jueves.
El ZPRAA 2025 ya conduci desde Febrero 23 na Julian Soriano Sports Complex, na municipio de Siocon, provincia del Zamboanga del Norte.
Asegun con el Oficina de Informacion Publico del gobierno local, el division del ciudad de Zamboanga ya obtene mayor numero de medalla de 305, incluido 122 oro, 98 plata y 85 bronze.
El provincia del Zamboanga del Sur ya gana como el segundo puesto con 293 medallas—98 oro, 101 plata, y 94 bronze.
Terser puesto el ciudad de Dipolog con 248 medallas, incluido 81 oro, 69 plata, y 98 bronze.
El aca-cuatro hasta ocho puesto amo el Zamboanga del Norte, Zamboanga Sibugay, ciudad de Pagadian, ciudad de Isabela, y ciudad de Dapitan.
El ceremonia de clausura y premacion ya conduci del alas 5 de Jueves tarde. (B. Garcia)