El Departamento del Medio Ambiente y Recursos Naturales, o DENR, por medio del Oficina Comunitaria de Medio Ambiente y Recursos Naturales, o CENRO-Manukan, ya larga 95 anak de tortuga de Olive Ridley para na de ila habitat natural na provincia del Zamboanga del Norte.
El DENR-Zamboanga Peninsula ya habla, con el mga anak de tortuga de Olive Ridley ya larga del otro semana na bulevar del ciudad de Dipolog, el capital del provincia del Zamboanga del Norte.
El DENR-Zamboanga Peninsula ya habla, el largada del mga anak de tortuga ta demostra el en curso colaboracion entre el agencias de gobierno local y nacional en proteger con el tortugas marinas y del de ila lugar de pugaran.
“Por medio de este asociacones, el CENRO-Manukan y gobierno del ciudad de Dipolog ta contina implementa programas enfocado na proteccion de habitat marina, conservacion del lugar de pugaran, y campañas de concientizacion publica,” el DENR-Zamboanga Peninsula ya habla na un anuncio.
El DENR ya apela con el comunidades para reporta actividades ilegal y toma parte na iniciativas de conservacion para fortalece mas en proteger tortugas marinas.
El DENR ya habla, el tortuga de Olive Ridley listao como el plegrio bajo’l DAO-2019-09 y protegido del Ley de Republica 9147, que ta prohibi su coleccion, pajaria, o daña sin permiso. (B. Garcia)