En celebrasyon del dia de nacimiento del Alcalde John Dalipe este dia de Biyernes, Septiembre 16,2022 el City Hall hay abierto para oprese libre medical check-up, legal and agricultural services na publico prinsipyando alas nueve del aga hasta alas cinco del tarde.
Ya organisa este el commitiva que ta encabesa el City Administrator Mario Yanga, el mencionao actividad ta inclui libre medical consultation, dental services, fasting blood sugar screening, bloodletting and typing y COVID-19 vaccination con libre 5 kilos arroz para con aquelyos quien manda clava booster dose. Con el mencionao medical services ay facilita el City Health Office (CHO).
Tiene tambien libre legal services na City Legal Office y libre semilya y demonstrasyon City Agriculturist Office. Todo vivientes ay imbitao para benepisya con el libre servicio. (Cristine Falcasantos, photo courtesy of City Government of Zamboanga Facebook page)