Mga personajes del Criminal Investigation and Detection Group-9 (CIDG-9) ya aresta con un barrio capitana kien tiene orden de aresto por el crimen de Matansa.
Si Coronel John Francis Encinareal, hefe del CIDG-9, ya nombra con el arestao suspechao como si Radzata Dambong, el capitana del Barangay Asin, Panamao, Sulu.
Con Dambong ya aresta maga ala una cuarneta’y seis del Lunes tarde alla na Barangay Seit Lake, Panamao.
Asegun con Encinareal cay si Dambong tiene pendiente orden de aresto sin piansa desde’l jusgado del municipio de Parang, Sulu.
Asegun con Encinareal cay si Dambong envuelto na matansa de Mukim Hussin, sincuenta’y ocho anios el edad, del Noviembre siete anio dos mil veinte na Barangay Tunggol, Kalingalan Caluang, Sulu. (Bong Garcia)