Un chufer de kuliglig el ya iri na un incidente de tiro mientras ta busca le pasajero na uno del mga barangay de este ciudad, asegun con el police local del Jueves.
Asegun con el policia local el incidente ya ocuri mga alas 3 del Jueves aga na Calle Dacon, Sitio Suterville, Barangay San Jose Gusu, en este ciudad.
Asegun con el policia local con el victima ya conose como si Muktar Amil, 30 años el edad y un residente de Sitio Stambac, Barangay Campo Islam, en este ciudad.
Base na investigacion, ta maneja kuliglig si Amil y ta busca pasajero cuando ya tira conele uno del dos personas que ya dale le encuentro na camino.
Asegun con el policia, el victima ya conose con el uno de dos personas como untal Jimboy.
Con el victima ya lleva na hospital para el curada medical mientras el mga suspechao para na interior parte del Suterville, San Jose Gusu.
El policia ya recubri dos capsula de calibre .45 pistola na lugar del crimen.
El policia ta continua el investigacion para determina si cosa el motivo del incidente y si quien el mga suspechao.
(B. Garcia)
