El oficina regional del Commission on Higher Education (CHED) junto con el Alcalde John Dalipe ya distribui P725,000 Student Monetary Assistance for Recovery and Transition (SMART) Educational Grants con 29 beneficiarios na ciudad de Zamboanga.
Asegun con el oficina de informacion publico del gobernor local, el ayuda financial ya distribui con el mga beneficiarios del otro semana na cuarto de conferencia del City Hall.
Cada uno del 29 identificao beneficiarios ya recivi P25,000 ayuda financial o total de P725,000.
El SMART grant de P25,000 cada estudiante, es una vez ayuda financial intendido para ayuda con mga estudiantes supera el desafios persiguiendo alto educacion amediante el limitaciones financial.
El dalida del ayuda financial de conformidad na Ley de Republica Numero 7722, conocido tambien como el “Higher Education Act of 1994,” y ya suporta el Resolucion Numero 547-2023 del CHED.
Con el programa ya facilita el Congresista Manuel Jose Dalipe del segundo distrito.
El Alcalde Dalipe, na su mensage ya rendi gracias con el CHED por medio del Director Regional Rody Garcia y Congresista Dalipe, como ya reafirma le el dedicacion del su aministacoon para ayuda con mga estudiantes mas pa con el ayuda financial. (B. Garcia)