Zamboanga: CGDSWM ya participa na ‘Rescue Summit 4.0’

0
12

El Coast Guard District Southwestern Mindanao (CGDSWM) ya participa na “Rescue Summit 4.0” que ya conduci del Sabado na Joaquin F. Enriquez Memorial Sports Complex aqui na ciudad de Zamboanga.

Con el un dia actividad ya organiza el Zamboanga City Disaster of Risk Reduction and Management Office (ZCDRRMO).

Asegun con Dr. Elmeir Jade Apolinario, el hefe del ZCDRRMO, el objeto del actividad amo para evalua con el capabilidad del diferente agencias na conducida de operacion de rescate (rescue operation) durante mga calamidad.

Mientras tanto, el CGDSWM ya participa tamen na exhibicion de rescate donde ya dale sila mira de ila mga galamiton que ta usa na “rescue operations”.

Ademas, ya conduci tamen un “rescue Olympics” para proba con el preparacion y capabilidad del mga participantes del “Rescue Summit 4.0”. (B. Garcia, photo courtesy of CGDSWM)

 

Leave a Reply