El mga personajes del Coast Guard District Southwestern Mindanao (CGDSWM) ta participa na dos semanas entreno na Southwestern Joint Operational Area of Western Mindanao Command, asegun con el militar del Martes.
Asegun con el 4th Civil Relations Group (4CRG), el enteno, nombrao como el Joint, Combined, and Inter-agency Maritime Security Training Exercise (JCIMSTX), ya comensa del Lunes y hay termina na Octubre 25.
Asegun con el 4CRG, el JCIMSTX tiene el objetivo mejora el seguridad maritima y preparacion operativo por medio de colaboracion comprehensivo entre el diferente unidades del fuerza militar, contrapartido militar estranjero, y otro relevante agencias dentro del Joint Operational Area del Westmincom.
Asegun con el 4CRG, el mga participantes hay engrana enfrenta mga desafios de seguridad maritima, empleando senarios realistico para refina tacticas y mejora el estrategias de comunicacion.
“Este mga actividades hay desafia con el de ila coordinacion, interoperabilidad, y capabilidad responde na operaciones maritima,” el 4CRG ya habla.
Asegun, el participacion del CGDSWM ta demostra el de ila dedicacion na seguridad maritima por medio de colaboracion estrategico. (B. Garcia)