El gobierno local ya anuncia del Martes cay abierto ya el exposicion de comercio de barter (Barter Trade Exposition) que hay dale mira mga variedad tradicional productos.
Asegun con el oficina de informacion publico, o PIO, del City Hall, el exposicion ya comensa del Octubre 10 y hay termina na Octubre 30.
El exposicion hay dale mira el variedad productos tradicional, incluido textiles, artesanias y otros productos de barter.
“El objetivo del evento amo para enfatiza el importancia de preservar y promove el tradicional practicas de comercio na moderno mundo,” el PIO ya habla.
El barter ta continua servi vital papel na economia local, promove cambio cultural y formentando crecimiento economico. (B. Garcia)