El Oficina Comunidad ambiente y recursos naturales de la cuidad de Zamboanga (CENRO), recientemente ya conduci Wellness Program un initiativa para conel maga personas mayores ( senior citizens), persona con discapacidad ( PWD’s), y maga empleyado que serca ya el retirada amo ya beneficia conel mentionao programa para empuja mas cuidada y inclusivo lugar de trabajo.
Ya ofrece health and wellness activity el mentionao programa donde proporcionando el maga basic medical services, como blood pressure checks, blood sugar testing, y body mass index evaluation. Total de cuarenta y tres (43) individual ya toma parte na actividad, inclujido treinta y nueve (39) personas mayores, uno (1) persona con discapacidad, tres(3) empleyado que serca ya retira.
Asegun, el servicio medical ay para dale objeto para na coraje del regular chequeada de salud y mas de temprano consciente peligro na salud, especialmente maga vulnerable y aquelyos de edad ya.
Hinde lang servicio na salud el ya ofrece el program,sino ya servi este un momento de apreciacion para conel maga retiring staff members, donde formalmente ya recogniza diila maga contribucion y servicio que cuanto años sila ta servi na publico.
Ademas ya recivi muestra de gratitud el maga retiring staff members como un simple pero significativo tributo que justo que merecer sila.
Mientrastanto, el programa tiene tambien un recreational segment dubbed el “Alegria para con maga Senior Citizens and PWD”, donde ya dale Este entretenimiento conel maga participantes porcausa na maga traditional games y un manera para quedaas mafuerza el relacion na comunidad. (Keith Luna)