Gipasidunggan sa Lokal nga Panggamhanan sa Polanco ang Top 10 Performing Barangay Captains, Midwives ug Nurses isip pag-ila sa ilang dakong kontribusyon sa kalampusan sa Mass Bloodletting Program sa 2025.
Ang pagpasidungog gihimo aron ilhon ang pagpanguna, dedikasyon ug paningkamot sa mga awardees nga nakatabang sa pagdasig sa mga boluntaryong blood donors ug sa pagpalig-on sa kampanya sa paghatag og dugo sa komunidad.
Matud sa lokal nga panggamhanan, ang kalampusan sa programa wala lamang masukod sa gidaghanon sa natigom nga dugo, kondili usab sa lig-on nga panagtinabangay sa mga barangay, health workers ug mga boluntaryo nga nagtinabangay aron makaluwas og kinabuhi.
Nagpasalamat usab ang LGU Polanco sa tanang barangay ug mga kaabag sa programa alang sa ilang walay hunong nga suporta, samtang gidasig ang komunidad nga ipadayon ang kultura sa volunteerism ug pag-alagad alang sa kaayohan sa isigkatawo.(JENIFFER JR. DELICA)
Source: Mayor Ying Uy