El mga miembros del Zamboanga Chong Hua High School Alumni Association Lion Dance Troupe ya actua el Danza del Leon de la Suerte, o Lucky Lion Dance, na City Hall del Lunes.
El actividad ta significa el comensada del celebracion del año lunar chino na ciudad de Zamboanga.
El gobierno del ciudad bajo el administracion del Alcalde John Dalipe ta uni con el comunidad de Chino en dar bienvenida con el año de serpiente de madera, enfatizando el duradera relacion entre el comunidad de Chino-Filipino y el mga Zamboangueños.
El Año Lunar de Chino esta establicido na Enerro 29, 2025.
El Danza Leon es un tradicional danza china ta actua na gran ocaciones, como el Año Nuevo de Chino para el Buena suerte, como se ta cre, cay el leon es un animal auspicioso. (B. Garcia)