Si Brigadier General Darwin Hernandez, el comandante del 54th Engineer Brigade (54EBde), ya dale el corage con el mga personajes del su mando para persegui na ila continuo estudios de colegio y posgrado.
Si Hernandez ya encoraja con su mga personajes durante el primer conferencia del mando para el año 2025 del Sabado na cuartel del 54EBde na Barangay Cabatangan, ciudad de Zamboanga.
Durante el conferencia, si Hernandez dale importancia en el mejoras personal como mejorando su mental, fisica, salud spiritual y bien estar.
Concierne el mga equipo del mando, asegun con Hernandez todo comandante del unidades debe garantiza el optima capacidad de servicio el todo equipajes y vehiculos para diriji rapidamente cualquier desastre prevaleciente dentro del de ila respetivo lugar de operacion conjuntas.
Si Hernandez ya dale importancia del anticipacion na actuacion del respetivo operaciones estando siempre proactive na plañada y implementacion del varias proyectos.
Con el primer conferencia del mando ya atende todo’l oficiales del mando y respetivo sargentos mayores del mga unidades subordinadas. (B. Garcia)