El City Disaster Risk Reduction and Management Office (CDRRMO) ya activa con el Emergency Operations Center para responde na mga llamada de emergencia aqui na ciudad.
Este ya vene despues que ya orderna el alcalde John Dalipe con el mga concierne departamento para mobiliza con el rescursos del govierno local amediante el amenaso na entrada del un grande y mafuersa tipun na venedero biyernes o sabado.
Si Dr. Elmeir Jade Apolinario, el hefe del CDRRMO, ya habla del huwebes cay ya designa le mga personajes y voluntaryo para responde entalcaso tiene llamada de emergencia o incidente de avenida.
Asegun con el PAGASA cay el bien mafuersa tipun Mawar esperansao entra na Pilipinas na dia de biyernes o sabado.
El PAGASA ya habla cay el momento ay entra el tipun Mawar na Pilipinas ay cambia de este nombre como si tipun Betty.
Myentrastanto, ya coordina tamen si Apolinario con el mga opiciales del barangay para toma precaucion y prepara tambien sobre el maga posible efecto del tipun.
El City Social Welfare and Development Office ya prepara ya tambien con el mga “relief supplies” para distribuji con mga posible victima del tipun Betty, particularmente na maga barangays recio ocuri avenida. (B. Garcia, photo courtesy of Mayor John Dalipe Facebook page)