Gidayeg ni Mayor Rolando “Klarex” Uy ang teacher-fellows sa Teach for the Philippines sa ilang makugihon ug madasigon nga pagtudlo ug pagtabang sa mga estudyante ug mga magtutudlo sa Pedro N. Oloy Roa Elementary School nga mitapos sa ilang boluntaryong pag-abag sa maong tunghaan.
Kahinumdoman nga duha ka tuig nga naghatag sa ilang boluntaryong pagtudlo ang teacher–fellows panahon sa pandemya apan padayon silang nagtabang sa mga estudyante sa elementary ilabina sa pagtudlo sa pagbasa.
Atol sa panagtigom sa Local School Board bag-ohay lang, gipaabot ni City Councilor Suzette Magtajas-Daba, kinsa mao usab ang chairman sa Committee on Education sa konseho, ang pasalamat ug pagdayeg ni Mayor Klarex sa makugihon nga pag-abag ug partnership sa Teach for the Philippines sa syudad.
Ang Teach for the Philippines nagtumong sa pagpalambo ug pagsiguro nga matag estudyante adunay sakto ug dekalidad nga edukasyon, diin nahasubay usab sa tinguha ug ug usa sa mga priority agenda ni Mayor Klarex Uy.
(News and photo courtesy of CIO CDO)