Ya mobilisa y designa el City Disaster Risk Reduction and Management Office (CDRRMO) con mga personajes y equipajes na mga lugar recio ta man avenida amediante el mal tiempo por causa del habagat.
El alcalde John Dalilpe ya diriji con mga concierne oficina y agencias, incluwido mga Barangay Disaster Risk Reduction and Management Councils (BDRRMC), para responde na mga emergencia por causa del mal tiempo.
Asegun con Dr. Elmeir Jade Apolinario, el hefe del CDRRMO, ya habla del Sabado cay base na inicial information, el mga lugar ya ocuri avenida amo el mga Barangays de Tumaga, San Jose Gusu, Pasonanca, San Roque y Putik.
Asegun cay tiene ya mga familyares el ya evacua, particularmente aquellos ta keda na mga canto’y rio y bajura lugar.
El mga personajes del “Emergency Operation Center” na CDRRMO ya coordina con el mga barangays para esta vigilante. (B. Garcia, photo courtesy of CDRRMO)