Un 28 años persona el ya muri na un incidente de tajo na Sitio Asinan, Barangay Kasanyangan, aqui na ciudad del Zamboanga.
Asegun con Zamboanga City Police Station 6 (ZCPS6) ya conose con el victima como si Kemar Taing, un residente del Sitio Asinan, Barangay Kasanyangan.
Asegun con el ZCPS6 con el victima alegaomente ya tajia si Istalon Isneril, 33 años y residente tamen del Sitio Asinan, Barangay Kasanyangan.
Base na investigacion del ZCPS6 cay dos dias antes del incidente, ya tene un caliente argumento canda Taing y si Isneril.
Asegun con el ZCPS6 cay si Isneril, quien armao de bolo, enseguidas ya tajia con Taing cuando ya man mirahan sila mga ala una del Biyernes tarde na Sitio Asinan, Barangay Kasanyangan.
Con Taing ya declara muerto el doctor cuando ya llega na ospital.
Si Isneril ya escapa para na direccion del Sitio Bugok, Barangay Kasanyangan despues del incidente. (B. Garcia, photo courtesy of ZCPS6)