Alas siete curanta’y siete del denoche Hulyo onse dos mil veinte dos el maga personajes del Zamboanga City Police Station 11 que ta encabesa si Pol. Lt. ROYLAND CORDERO ya conduci un drug buy bust operation na companya kontra droga illegal na Johnston Drive, Brgy. Canelar en este ciudad.
El maga pulis ya aresta con Abubakar Pulalon y Arasani alyas Bakal veinte uno anios de edad soltero y residente de Brgy. Baliwasan.
Durante el operacion ya puede confsca na possession del suspechao tres pedaso de alegao shabu ,un pakete de sigarilyo nuay laman, dos gramo de shaby que tiene balor de trese mil seis sientos pesos ,un pedaso de dos siento pesos como mark money.
Presentamente si Pulalon detenido ya na quarter del Police Station 11 y esperansao enfrenta el caso de Republic Act 9165 o mas conosido como el comprehensive dangerous drug act of 2002.
Mientras con el alegao shabu ya somete na PNP region 9 crime Laboratory para el propio examination. (April Boy Regino)