El Ciudad de Zamboanga ya tene veinte siete nuevo caso de dengue y nohay tambien caso de muerte porcausa na dengue prinsipyando del Hulyo 10 hasta Hulyo 16 base na report del oficina del salud del ciudad.
Desde Hulyo deci-seis, el caso del dengue na ciudad, ya llega ya na suma total de tres mil treynta’y dos.
Pero el reportao caso de dengue del semana pasao nohay llega na epidemic alert y bajo numero del caso comparando del pasaw morbidity weeks.
El maga bata desde nacimiento hasta nueve anios el edad amo de de todo afectao con el total caso de mil quinientos sincuenta’y siete 1,557 y maga bata tiene edad de dies hasta deci-nueve anyos quen tiene el caso de nueve sientos sincuenta’ nueve.
Mientrastanto, el oficina del salud ta bisia con sinco barangay que tiene reportao alto caso desde Huly dies has Hulyo deci-seis.
El sinco barangay amo el maga siguentes: Salaan, Pasonanca, Putik, San Jose Cawa-Cawa, y Culianan. (Cristine Falcasantos, photo courtesy of John Dalipe Facebook page)