Un casa el ya man uput na un incidente de incendio na Barangay Ayala, ciudad de Zamboanga, asegun con el Zamboanga City Fire District (ZCFD) del Martes.
Asegun con el ZCFD, el incendio ya comensa mga alas 3:21 de Martes aga y ya ocuri na Paseo de Manga, Fase 2, casas de campo, Barangay Ayala.
El ZCFD ya nombra con el dueño del quemao casa como si Abdulwahil Kasin, de legal el edad.
Asegun con el ZCFD, el incendio que ya alcansa na segundo alarma, ya puede controla mga alas 3:38 del aga y completamente ya apaga mga alas 4:59 del aga.
Asegun con el ZCFD, nohay quien ya sinti duele durante el incidente de incendio.
Asegun con el ZCFD, ta continua el investigacion para determina si cosa el causa del incendio.
El ZCFD ya habla, el incencio ya causa destroso na P225,000 valor de propiedad. (B. Garcia)