El mga autoridad ya aresta un persona mentao ta vende droga ilegal na un operacion contra droga na provincia del Lanao del Sur, asegun con el policia del Martes.
Si Police Colonel Robert Daculan, el director del policia na provincia del Lanao del Sur, nohay mas identifica con el arestao suspechao quien un de legal el edad.
Asegun con Daculan, con el suspechao ya aresta na un operacion de compra busto mga alas 6 del Lunes aga na Purok 2, Barangay Matampay, Marantao, Lanao del Sur.
Asegun con Daculan, ya confisca na posesion del arestao persona 3.1 gramos de suspechao shabu enpaquetao na nueve termosellada transparente plastico sobrecitos que tiene el valor de P21,080, dinero de compra busto, y un portamoneda.
Si Daculan ya habla, con el suspechao y mga confiscao evidencia ya pone bajo’l custodia del policia na municipio del Marantao para el propio disposicion.
Asegun con Daculan, hay planta caso contra con el arestao suspechao por violacion del Ley Integral de Drogas Peligrosas de 2002. (B. Garcia)