Por segundo año consecutivo, el Barangay Cabaluay ya gana el primer puesto na Pueblo Navideño, o Christmas Village Competition, que ya organiza el gobierno del ciudad por medio del Oficina de Turismo del Ciudad.
El Barangay Cabaluay ya gana P250,000 premio y ya recivi plaque de reconocimiento durante el programa de premiacion que ya hace del Domingo na City Hall.
El otro mga ganadores y el corespondiente premio de ila amo el mga siguientes barrios: Manicahan, segundo puesto, P200,000; Baliwasan, terser puesto, P150,000; Patalon, cuatro puesto, P130,000; y sinco puesto, Dulian-Upper Bunguiao.
Asegun con el oficina de turismo del ciudad, el mga barangys que nohay gana ya recivi P20,000 cada uno como premio de consolacion.
El Christmas Village Competition ta forma parte del actividades del 2024 Feliz Navidad y en annual actividad que ta pariticpa el mga barangays y algunas agencias.
Asegun con el oficina de turismo, total de 20 barangays el a participa en este año Christmas Village Competition. (B. Garcia)