Dos miembros del Dawlah-Islamiya (DI) el voluntariamente ya rendi con mga autoridad na provincia del Maguindanao del Norte, asegun con el policia del Lunes.
El policia nohay mas nombra con el dos rendidores DI puera lang de habla’r el uno de ila es siguidores del DI-Hassan Group y el otro DI-Turaife Group.
Asegun con el policia, el dos miembros del DI ya rendi con mga personajes del Criminal Investigation and Detection Group (CIDG) del Sabado na Pedro Colina Hill, ciudad de Cotabato, Maguindanao del Nore.
Asegun conel policia, el dos rendidores ya entrega un caliber .50 rifle Barret y un M-79 grenade launcher.
El dos rendidores DI ya habla con mga personajes del CIDG, ya decidi sila rendi por causa nohay futuro na de ila armao peliada contra con el gobierno.
Asegun con el policia, con el dos rendidores DI ya pone bajo’l cutodia del CIDG na region autonomo para el propio disposicion. (B. Garcia)