Siete personas el irido despues que ya man bangga-an el un trak de carga y un bus de pasajero na carretera nacional na costa iste aqui na ciudad de Zamboanga.
Asegun con Police Major Melvin Solmayor, el hefe del Zamboanga City Police Station 2 (ZCPS2), el incidente ya ocuri mga alas 8:20 del aga del Biyernes na Sitio Tuktukalaw, Barangay Quiniput, este ciudad.
Asegun con Solmayor cay sinco del mga victima ta incluwi el chuffer, condoctor y tres pasajero de bus myentras el otro dos victima amo el chuffer and tripulante del trak de carga.
Asegun con Solmayor cay base na investigacion, antes del accidente, el bus que ta maneja si Benjie Velarize, 43 años el edad, ta viaja para na ciudad de Cagayan de Oro myentras el trak de carga ta maneja si Marcelo Alaman, 34, años, ta viaja para na ciudad de Zamboanga.
Ya man bangga-an el dos vehiculo cabesa con cabesa (head-on) cuando ya precura man una el trak con un Piaggo crosando para na otro lao del camino donde ya pasa el bus.
Con el mga victima ya lleba para na Cristino Paragas Memorial Hospital na Barangay Quiniput para el tratamiento medical. (B. Garcia, photo Courtesy of ZCPS2)