Malampusong midawat sa ilang mga sertipiko ang 46 ka mga kawani sa kagamhanang lokal sa Dipolog human sila mipa-ilawom sa upat ka adlaw nga pagbansay-bansay sa Public Service Continuity Planning (PSCP) nga gipasi-ugdahan sa City Disaster Risk Reduction and Management Office (CDRRMO) ug Rehiyonal nga buhatan sa Office of the Civil Defense (OCD).
Ang PSCP ang nasayran nga gi-umol aron mapadayon ug masustenir sa mga ahensiya sa gobyerno ang kapasidad niini nga motubag sa mga panginahanglanon sa katawhan ilabina sa panahon sa emerhensiya ug kalamidad.
Atol sa nahisgutan nga pagbansay-bansay, ang mga partisipantes gikan sa nagkalain-laing buhatan sa lokal nga kagamhanan ang mihimo og mga plano, stratehiya ug programa aron mapadayon ang paghatag sa “essential services” ngadto sa katawhan ilabina sa mga “vulnerable sectors” sama sa mga senior citizens, Persons with Disability PWD, mga mabdos ug mga bata.
Dugang nasayran nga ang mga lecturers naglangkob ni Atty. Ruel S. Halanes, Assistant Regional Director sa OCD kauban usab nila ni Mr. Raiyah A. Sindatoc sa OCD IX, Engr. Ralph Emmanuel Naong sa LDRRMO-Liloy ZDN ug Mr. Alan D. Chiu sa DepEd-Dipolog City Division.
(Source: Dipolog City Government Facebook page)