El Departamento de Agricultura (DA) ya entrega P5.54 milyones valor de materiales de agricultura con el diferente asosacion de siembrador na primer distrito del ciudad.
Si Arleene Ordiz, el hefe del DA Field Operations Division, Alcalde John Dalipe, y Khyzer Olaso, el representante del Congresista Khymer Olaso del primer distrito, amo el ya encabesa con el entregada del mga materiales de agricultura con mga siembrador na Barangay Ayala del Biyernes aga.
El mga siembrador del distrito agricultural de Ayala ya recivi un tractora, diferente clase de similia de gulay, y fertilizer myentras el mga siembrador del district agricultural de Tumaga ya recivi makina de systema de irigacion.
Asegun con Ordiz cay no menos de 71 siembrador el ya recivi tamen ayuda financial, similia de palay y abono bajo el programa de aros del govierno.
El intervencion para del mga siembrador na primer distrito ya facilita el DA por medio del iniciativo del Congresista Olaso. (B. Garcia, photo Courtesy of DA-9)