El Business One-Stop Shop (BOSS) na Centro Latino ya registra total de 14,065 aplicaciones de registracion y renovacion de permisos de negocios desde’l Miercoles, Febrero 12.
Asegun con Benjie Barredo, el oficial de permisos y licensias comerciales, 14,016 del 14,065 aplicaciones el ya evalua ya y ya completa ya el pago mientras sinco aplicaciones pendiente el evaluacion.
Si Barredo ya habla, 12,918 persmisos de negocios el ya impresa ya y fomalmente ya dale ya con el mga operadores de negocios.
Si Barredo ya atribui con el alto volumen de aplicaciones na completo implementacion del automatizao BOSS o e-BOSS principiando del Enero 2, 2025.
Mientras tanto, si Barredo ya habla el BOSS-Centro Latino na Paseo del Mar completamente ta esta en operacion para acomoda con el continuando registracion y renovacion de permisos del mga operadores de negocios para el año 2025.
Originalmente, el periodo de aplicacion para el registracion y renovacion establicido desde Enero 2 hasta 20.
Sin embargo, ya extende el fecha de terminacion para na Enero 31 para dale mas tiempo con el mga operadores de negocios hace de ila papeles.
Pero asegun con Barredo, el mga operadores de negocios quien ta transacciona principiando Febrero 1 tiene ya que paga el pena, incluido el 25 per ciento multa y dos por ciento interes mensual. (B. Garcia)