El gobierno del Bangsamoro Autonomous Region in Muslim Mindanao (BARMM), por medio del Ministerio de Servicios Social y Desarollo, o MSSD, hay distribui mga comida na 403 child development centers (CDCs) y 493 supervised neighborhood plays (SNPs) na provincia del Lanao del Sur.
El BARMM-MSSD ya habla el iniciativa, que es parte del 14th cycle of the Supplementary Feeding Program (SFP), hay beneficia total de 22,558 bata indigentes.
Asegun con el BARMM-MSSD, el distribucion ya comenza del Febrero 10 na Madalum, Lanao del Sur, donde 16 CDCs y 14 SNPs el ya recivi esencial comida, incluido 261 saco de arroza, 680 kilos de dilis seco, 340 trey de huevos, 680 botellas de aceite de cocina, 1,360 kilos mongo, y 1,369 kilos de harina para todo uso.
“Este provisiones hay suporta 680 jovenes estudiantes enrolao na centros de apredizaje para el primer infancia na municipio del of Madalum,” ya habla si Zamrah Sedik, el focal regional del SFP.
Si Sedik ya habla, el trabajadores sociales del MSSD hay conduci inmedietamente y exhaustivo inspeccion del comida para asegura el calidad, cantidad, y disribucion oportuna con el mga beneficiarios como un procedimiento estandarte para cada ciclo na implementacion del SFP.
El MSSD ta bisia enbuenamente con el implementacion del programa na todo provincias para asegura cay su centros de aprendizaje asociados ta proporciona comidas calientes con mga bata durante todo el programa de alimentacion de 40 dias.
El SFP es un financiado nivel nacional con el objetivo solve con el asuntos de malnutricion y hambre entre mga desfavorecidos bata con el edad de dos hasta sinco, quien enrolao na CDCs y SNPs. (B. Garcia)