El Departamento de Educacion (DepEd) ya reporta cay menos el numero del mga estudiantes ya enrola para el año de escuela 2024-2025 comparando con el del otro año.
Ese el cosa ya anuncia del Jueves si Basilio Uy, el jefe del School Governance and Operations Division del City Division of Schools, hablando cay del otro año 270,000 estudiantes el ya enrola pero 75 por ciento o 202,500 lang de ila el presentamente enrolao.
“Desde este dia, 75 por ciento pa lang el ya enrola comparando con el del otro año de 270,000 estudiantes. Base ese na datos del division del planning na division office,” si Uy ya habla.
Optimismo si Uy cay el numero del estudiantes que hay enrola hay omenta pa na mga dias que viene como un costumbre ya entre mga mayores para prepara una el mga materiales de escuela del de ila mga anak antes hay enrola sila.
Si Uy ya habla, el periodo de enrolada ya termina del Julio 26, pero ta accepta pa simper sila con aquellos quien atrasao ta enrola. (B. Garcia)